A Oficina de Cambio Climático de Galicia é o órgano técnico da Xunta de Galicia encargado de impulsar a acción fronte ao cambio climático e avanzar cara a unha Galicia máis resiliente e climaticamente neutra.
A súa actividade céntrase en tres ámbitos fundamentais:
- Mitigación, para reducir as emisións de gases de efecto invernadoiro.
- Adaptación, para anticipar e reducir os impactos do cambio climático.
- Comunicación, para informar, sensibilizar e favorecer a participación na acción climática.
A Oficina está adscrita á consellería competente en materia de cambio climático e exerce as súas funcións de acordo coa Lei 1/2026, do 5 de febreiro, do clima de Galicia.
TRABALLAMOS CONTIGO POLA ACCIÓN CLIMÁTICA EN GALICIA
A Oficina de Cambio Climático de Galicia impulsa a colaboración coa sociedade para avanzar cara á neutralidade climática 2040. Se queres formar parte da acción climática, temos un espazo para ti.
ES UNHA EMPRESA OU ORGANIZACIÓN?
Únete á Alianza Galega polo Clima
Un espazo de colaboración público-privada para impulsar a descarbonización, a innovación e a transición cara a unha economía verde
Que ofrecemos?:
- Asesoramento personalizado en acción climática e programa Mentoring que ten como obxectivo crear unha folla de ruta climática que sirva de guía na túa tranformación.
- Procura de financiaciamento a través dun observatorio de fondos e convocatorias.
- Participación, boas prácticas e desenvolvemento de proxectos que contribúan á neutralidade climática de Galicia.
- Acceso á Plataforma Tecnolóxica polo Clima , un espazo para conectar innovación, coñecemento e solucións tecnolóxicas fronte ao cambio climático.
ES UNHA ENTIDADE LOCAL?
Forma parte da Rede Local polo Clima
Apoio técnico e acompañamento ás entidades locais para integrar a acción climática na planificación municipal.
Somos a oficina coordinadora do Pacto das Alcaldías polo Clima e a Enerxía en Galicia.
Traballamos cos concellos para:
- Elaborar e implementar os plans de acción local polo clima.
- Asistencia técnica e administrativa para desenvolver a acción climática local.
- Procura de financiamento a través dun observatorio de fondos e convocatorias.
- Compartir coñecemento e experiencias entre administracións locais.
- Accede á Plataforma Tecnolóxica polo Clima para coñecer ferramentas, solucións e iniciativas innovadoras aplicables ao ámbito municipal.
ES UN CENTRO EDUCATIVO OU TRABALLAS COA MOCIDADE?
Participa en Mocidade polo Clima
Programas de sensibilización, formación e acción climática dirixidos á infancia e á mocidade.
Se queres levar a educación e acción climática ao teu centro ou proxecto:
- organizamos actividades e programas educativos.
- apoiamos iniciativas xuvenís ambientais.
- promovemos a participación e o talento verde.
QUERES COLABORAR OU PRECISAS MÁIS INFORMACIÓN?
Se non atopaches o que buscabas ou queres saber máis sobre os programas, iniciativas e servizos da Oficina de Cambio Climático de Galicia, estamos para axudarche.
Ponte en contacto connosco.
OFICINA DE CAMBIO CLIMÁTICO DE GALICIA
DIRECCIÓN XERAL DE ENERXÍAS RENOVABLES E CAMBIO CLIMÁTICO
CONSELLERÍA DE MEDIO AMBIENTE E CAMBIO CLIMÁTICO
Edificio Administrativo San Lázaro, s/n- 15781 Santiago de Compostela
oficinacambioclimatico [at] xunta.gal
