PROXECTOS

SystR pretende a creación de solucións de adaptación ao cambio climático, resiliencia integral e transversal dos diferentes sectores da sociedade, dinamización dos grupos implicados e creación de bancos de solucións de adaptación.

Este proxecto ten como obxectivo principal aproveitar o potencial das microalgas e cianobacterias para convertelas nunha solución sostible fronte a algúns dos retos que expón o cambio climático así coma anticiparse e actuar de forma preventiva fronte a proliferación masiva de microalgas.

O principal obxectivo de MOLL-e MALONE é ofrecer un servizo costeiro operacional que integre información, procedente de modelos de alta resolución e de diferentes fontes locais de datos observacionais in situ, a través dunha plataforma específica de Interface de Usuario para apoiar as actividades de acuicultura na Ría de Arousa.

Mellorar a comprensión da dinámica mariña na plataforma continental a través da cooperación entre Galicia e Portugal intercomparando e mellorando os seus modelos.

CAPTA ten por obxecto establecer as bases para o desenvolvemento de políticas e instrumentos de planificación conxuntas que faciliten alcanzar a neutralidade climática e permitan fortalecer os servizos ecosistémicos do litoral, mellorando a súa resiliencia.

O obxectivo de MyCOAST é mellorar a capacidade dos sistemas de xestión de riscos na rexión atlántica mellorando a cooperación entre os sistemas de observación e previsión e os usuarios finais.

Mellora da resiliencia dos sectores económicos estratéxicos do litoral da área de Cooperación (turismo, tráfico marítimo e sector portuario, sector pesqueiro e marisqueiro, incluíndo a acuicultura off-shore ou as enerxías renovables mariñas) a través do desenvolvemento de servizos climáticos que permitan anticiparse aos riscos asociados ao cambio climático.

O proxecto SHELTER ten por obxecto desenvolver un marco de coñecemento baseado en datos utilizados por científicos e xestores do patrimonio.

Poñer a oceanografía operacional ao servizo das comunidades costeiras e dos axentes económicos que exercen a súa actividade no litoral

Analizar cal era a situación das enerxías mariñas: eólica mariña, undimotriz, mareomotriz, etc.

Concienciar á poboación do Espazo SUDOE (Sudoeste Europeo) sobre as consecuencias reais do cambio climático e promover e desenvolver medidas de adaptación da sociedade aos futuros escenarios derivados deste cambio.

Mellorar as infraestruturas das redes de observación oceanográfica, así como as predicións e a capacidade de observación dos océanos.

Determinar evidencias do cambio climático en Galicia, identificar ecosistemas vulnerables e desenvolver modelos preditivos