No 2025 a Van polo clima chegou a 7.000 mozos e mozas nos festivais galegos e a 1.500 participantes nos campamentos de verán e campos de voluntariado.
Van polo Clima é a iniciativa de sensibilización ambiental de Mocidade polo Clima, creada para concienciar á mocidade sobre a loita contra o cambio climático dun xeito participativo, dinámico e cercano.
A través deste vehículo itinerante, equipado con espazos de ocio, actividades interactivas e materiais de divulgación, a Van polo Clima percorre Galicia e ten presenza en festivais musicais, campamentos de verán, campos de voluntariado e eventos para a mocidade.
OBXECTIVOS
Sensibilizar á mocidade sobre o cambio climático, as súas causas e consecuencias, promovendo unha actitude crítica e comprometida coa transición ecolóxica.
Fomentamos, entre as persoas máis novas, hábitos sostibles, conciencia ambiental e compromiso activo co coidado do medioambiente.
Combinamos información, formación e entretemento mediante xogos, talleres e dinámicas participativas relacionadas co clima.
