A Lei 1/2026, do 5 de febreiro, do Clima de Galicia busca situar o clima como eixo das políticas públicas galegas, deste xeito, todas as políticas deberán integrar a perspectiva climática.
NEUTRALIDADE CLIMÁTICA EN 2040
Galicia ten como obxectivo ser unha comunidade climaticamente neutra dez anos antes do que marca o compromiso europeo.
REDUCIÓN DO 75% DAS EMISIÓNS EN 2030
Galicia ten como obxectivo reducir o 75% das emisións con respecto a 1990.
ADAPTACIÓN AO CAMBIO CLIMÁTICO
Galicia ten como obxectivo preparar o seu territorio fronte aos riscos e impactos do clima, así como, impulsar ferramentas de protección para a cidadanía como, por exemplo, identificando illas de calor e deseñando refuxios climáticos.
ECONOMÍA SOSTIBLE E CIRCULAR
Galicia ten como obxectivo promover modelos que xeren emprego de calidade e reduzan desigualdades.
Eixes da Lei 1/2026 do Clima de Galicia
- Gobernanza climática
Isto garante que haxa coordinación, transparencia e participación social real.
- Planificación climática
ESTRATEXIA GALEGA DE CAMBIO CLIMÁTICO
Folla de ruta a longo prazo.
PLAN REXIONAL INTEGRADO DE ACCIÓN CLIMÁTICA
Cada 5 anos marcará medidas concretas para acadar os obxectivos
PLANS DE ACCIÓN LOCAL POLO CLIMA
Obrigatorios en concellos de máis de 20.000 habitantes
- Instrumentos económicos
- CONTRATACIÓN PÚBLICA VERDE. A Administración deberá priorizar produtos, servizos e obras con menor pegada de carbono.
- FONDOS PARA A TRANSICIÓN CLIMÁTICA E CIRCULAR. Con cargo a fondos europeos e impostos ambientais.
- FISCALIDADE VERDE. Os impostos e axudas públicas poderán incorporar a perspectiva climática para apoiar os obxectivos de mitigación e adaptación desta lei.
- REXISTRO GALEGO DE PROMOTORES DA NEUTRALIDADE CLIMÁTICA. Para recoñecer a empresas, organizacións e eventos que reduzan ou compensen a súa pegada de carbono.
- SISTEMA DE CRÉDITOS DE CARBONO E RECOÑECEMENTO DE INICIATIVAS DE EXCELENCIA CLIMÁTICA.
O diñeiro público e os incentivos estarán ao servizo da loita contra o cambio climático.
- Educación, sensibilización e investigación
A lei non só regula, tamén quere cambiar mentalidades e crear coñecemento.
- Campañas cidadás de información e formación sobre riscos e oportunidades da transición climática.
- Impulso á investigación galega en modelos climáticos, innovación tecnolóxica, adaptación do sector primario, etc.
- Dispositivo portable e aplicación web para a identificación de refuxios climáticos nos concellos galegos
- Proxecto SICLE CO2: Solucións innovadoras para a compensación local de emisións de CO₂
- Integración da perspectiva climática na educación en todos os niveis.
- Servizos Meteorolóxicos e de Calidade do Aire
A lei reforza as redes públicas de observación e control.
- REDE DE OBSERVACIÓN METEOROLÓXICA E CLIMATOLÓXICA DE GALICIA
- REDE DE CALIDADE DO AIRE DE GALICIA
Servizos públicos para anticipar riscos, mellorar a prevención e protexer a saúde, os ecosistemas e o tecido económico.
O obxectivo é ter mais datos, mais previsión e mais capacidade de resposta e xestión nos riscos fronte ao cambio climático.
Conclusións
- Galicia aspira a ser climaticamente neutra en 2040, dez anos antes que Europa.
- Os concellos, empresas e cidadanía serán parte activa da loita contra o cambio climático.
- A transición climática busca ser xusta, sostible e xeradora de emprego de calidade.
- A Administración pública predicará co exemplo con contratación verde e orzamentos climáticos.
- Haberá máis transparencia e información a través do Portal de Acción Climática de Galicia e a Oficina de Cambio Climático de Galicia.
- Refórzanse as redes de meteoroloxía e calidade do aire así como as funcións e servizos que se realizan para a xestión dos riscos derivados do cambio climático, como inundacións, vagas de calor ou incendios.
